منصوبے 2018-05-10T14:56:56+00:00

شعبہ جات

جامعہ میں اس وقت مختلف شعبہ جات مصروف خدمت ہیں ۔جن میں شعبہ درس نظامی ،شعبہ حفظ ،شعبہ روضہ (اسکول)،شعبہ ناظرہ ،شعبہ تربیت،شعبہ کمپیوٹر،شعبہ دارالاقامہ،شعبہ بزم ادب شامل ہیں۔جامعہ میں تعلیمی وتربیتی امور کو بہتر انداز سے انجام دینے کیلئے ” تعلیمی کمیٹی ”کی موجدگی کے ساتھ ساتھ کوارڈینیٹر ونگراں تمام نظام پر نظر رکھتے ہیں۔

شعبہ علوم دینیہ:درس نظامی

اس شعبہ کو جامعہ میں بنیادی اہمیت حاصل ہے۔شعبہ کا الحاق رابطة المدارس الاسلامیہ پاکستان سے ہے۔یہاں کی سند کو ہائراایجوکیشن کمیشن پاکستان ایم۔اے عربی واسلامیات کے مساوی تعلیم کرتا ہے۔درس نظامی کا کورس آٹھ سال (اولیٰ تادورہ حدیث )پر محیط ہے۔اس شعبہ میں کم ازکم مڈل پاس یا حافظ قرآن مع پرائمری کو داخلہ دیا جاتا ہے اور دوران تعلیم ” میٹرک ،انٹر اور بی اے ”کرنے کی سہولت بھی فراہم کی جاتی ہے۔

شعبہ تجوید وقرأت

اس بات کی اشد ضرورت محسوس کی جارہی ہے کہ طلباء میں تجوید وقرأت کی صلاحیت بھی پیدا کی جائے اور ان کی صلاحیتوں کو پروان چڑھایا جائے۔تاکہ تحریکی حلقوں کو خصوصاً اور عمومی طور اچھے قرأ ء میسر آسکیں۔

شعبہ تخصص کا اجرائ

جامعہ میں جگہ کی تنگی کی وجہ سے یہ شعبہ فی الحال بند ہے۔جبکہ شعبہ تخصص نہایت اہم اور ضروری شعبہ ہے۔

مکاتب کے قیام میں مزید اضافہ

اندرون سندھ میں انشاء اللہ مزید 10 مکاتب قائم کرنے کا منصوبہ ہے۔

دارالافتاء کا قیام

روزانہ عوام الناس کی ایک کثیر تعداد اپنے شرعی مسائل معلوم کرنے کیلئے جامعہ کی طرف رجوع کرتے ہیں۔جامعہ کے اساتذہ بڑے محنت سے انکے مسائل حل کرتے ہیں لیکن افسوس جگہ کی کمی کی وجہ سے مستقل دارالافتاء موجود نہیں۔اس لیے ضرورت ہے کہ تمام سہولیات پر مشتمل ایک دارالافتاء قائم کیا جائے۔

توسیع دارالاقامہ(ہاسٹل)

جامعہ میں طلباء کی تعداد میں مسلسل اضافہ ہو رہا ہے ۔مہمانانِ رسول ۖ کیلئے رہائش کی تنگی ہے ۔طلباء بیچارے کلاسوں میں سوتے ہیں اس لیے مزید 15 کمرے دارالاقامہ کی تعمیر ہو تاکہ طلباء بسہولت اس میں رہائش اختیار سکیں۔

توسیع دارالتدریس

تدریسی عمل کومزید بہتر کرنے اور طلبہ کی تعداد میں اضافے کی وجہ سے مزید کمروں کی تعمیر کا منصوبہ ہے۔